ទោះជាមានភ្លៀងធ្លាក់ខ្លាំងក៏ដោយ ក៏មិនអាចបញ្ឈប់សមាជិកជាង ២០០ នាក់ក្នុងការចូលរួមពិធីសាសនាចក្រកាលពីថ្ងៃអាទិត្យ ទី ៥ ខែតុលា ឆ្នាំ ២០១៤ បានដែរ ហើយកន្លែងប្រជុំក្រុមជំនុំតែមួយក្រុមបានក្លាយទៅជាកន្លែងប្រជុំក្រុមជំនុំពីរក្រុម។ ទោះជាអាកាសធាតុមិនអំណោយផល និងចំណាយពេលធ្វើដំណើរអស់រយៈពេលយូរក៏ដោយ សមាជិកជាច្រើនក៏នៅតែមកជួបជុំគ្នា ហើយអង្គុយលើកម្រាលព្រំនៅកន្លែងជំនុំដែរ។ ការចូលរួមរបស់ពួកគេបំពេញបានតាមចំនួនដែលរំពឹងទុកតាមការបែងចែកជាផ្លូវការ។
- Meetinghouse in Siem Reap Cambodia
- Siem Reap Cambodia 1st Branch
- Siem Reap 2nd Branch, Siem Reap Cambodia
1 / 2 |
ក្រុមជំនុំប្រហែល ១៥០ នាក់ បានចូលរួមទទួលទាននំប៉័ងនិងទឹក និងរៀនអំពីបន្ទូលព្រះនៅថ្ងៃអាទិត្យរៀងរាល់សប្ដាហ៍ ហើយទីកន្លែងនេះហៅថាជា “សាខា” ។ សាខាទាំងអស់ត្រូវបានដឹកនាំដោយគណៈប្រធានសាខា រួមមានប្រធានសាខា ១ រូប និងទីប្រឹក្សា ២ រូប។ អ្នកទាំងនេះ គឺជាអ្នកស្ម័គ្រចិត្តបម្រើការដោយមិនគិតកម្រៃ។
លោកប្រធាន ដេវីដ ស៊ី. ម៉ូន ដែលជាប្រធានបេសកកម្ម រាជធានីភ្នំពេញ ព្រះរាជាណាចក្រកម្ពុជា បានធ្វើជាអធិបតីក្នុងពិធីនោះ ហើយបានប្រកាសឈ្មោះសមាជិកពីររូបដើម្បីពិនិត្យមើលការយល់ព្រម និងគាំទ្រលោកទាំងពីរជាប្រធានសាខា។ លោក កែវ សុភិន នឹងបម្រើការងារជាប្រធានសាខាទី ១ នៅខេត្តសៀមរាបដោយមានលោក ឡូយ ប៊ុនសៀក ជាទីប្រឹក្សា ទី១ លោក ឈុំ សោភ័ណ ជាទីប្រឹក្សា ទី ២ ចំណែកលោក ឆម សារីកា ជាស្មៀន។ លោក លោក យូ តារា នឹងបម្រើការងារជាប្រធានសាខាទី ២ នៅខេត្តសៀមរាប ដោយមានលោក អ៊ួង រីវង្ស ជាទីប្រឹក្សាទី ១ លោក លៀម ពៅវិសាល ជា ទីប្រឹក្សាទី ២ និងលោក រស់ ណារ៉ុង ជាស្មៀន។ បុគ្គលទាំងអស់នេះត្រូវបានយល់ព្រមទទួលយកជាឯកឆ្ឆ័ន។ ការថ្វាយបង្គំតាមសាខានឹងត្រូវជួបជុំគ្នាក្នុងព្រះវិហារ ដែលមានទីតាំងនៅបណ្ដោយផ្លូវជាតិលេខ ៦។ ការថ្វាយបង្គំត្រូវបានប្រារព្ធឡើងនៅថ្ងៃអាទិត្យ វេលាម៉ោង ៩:00 ព្រឹក និងម៉ោង ២:00 រសៀល។ រាល់ភ្ញៀវទាំងអស់ត្រូវបានស្វាគមន៍ និងលើកទឹកចិត្តឲ្យចូលរួមក្នុងវេនណាមួយក៏បាន។
សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយបានប្រារព្ធខួបអនុស្សាវរីយិ៍លើកទី ២០ នៅប្រទេស កម្ពុជានៅថ្ងៃទី ៣០ ខែ ឧសភា ឆ្នាំ ២០១៤។ បច្ចុប្បន្ននេះ មានសមាជិកជាង ១២.៥០០ នាក់ មកពី ២៨ ក្រុមសាខាដែលជួបជុំគ្នានៅទាំង ១៥ កន្លែងបានរស់នៅជុំវិញប្រទេសកម្ពុជា។
សាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ គឺជាព្រះវិហារសាសនាគ្រីស្ទលំដាប់ពិភពលោកដែលមានសមាជិកជាង ១៥ លាននាក់។ ទីតាំងជំនុំមាន ២៩.០០០ កន្លែង បោះទីតាំងជាង ៩០ ប្រទេសនៅ ទូទាំងពិភពលោក។