Additional Resource

អត្ថបទ​របស់​យ៉ូសែប ស្ម៊ីធ

យ៉ូសែប ស៊្មីធ ( ឆ្នាំ 1805–ឆ្នាំ 1844 ) គឺ​ជា​ព្យាការី​ដំបូង​ និង ជា​ប្រធាន​ទី​មួយ​នៃ​សាសនាចក្រ​នៃ​ព្រះយេស៊ូវគ្រីស្ទ​នៃ​ពួក​បរិសុទ្ធ​ថ្ងៃ​ចុង​ក្រោយ ។ គម្រោង​អត្ថបទ​របស់​យ៉ូសែប ស្ម៊ីធ គឺ​ជា​កិច្ចខិតខំ​មួយ ដើម្បី​ប្រមូល​ផ្ដុំ​រាល់​ឯកសារ​ដែល​មាន​ទាំងអស់ ដែល​បាន​ផលិត​ដោយ​យ៉ូសែប ស្ម៊ីធ​ផ្ទាល់ ឬ​ដោយ​អ្នក​ដទៃ​ទៀត ដែល​លោក​បាន​តែងតាំង​ជា​ស្មៀន ។ ការ​ប្រមូល​ផ្ដុំ​ដ៏​ពេញលេញ​នេះ គឺ​ជា​ធនធាន​ដ៏​សំខាន់​មួយ​សម្រាប់​អ្នក​ប្រាជ្ញ និង​សិស្ស​ អំពី​ជីវិត និង​កិច្ចការ​របស់​យ៉ូសែប ស្ម៊ីធ, និកាយ​មរមន​ជំនាន់​ដើម និង​សាសនា​អាមេរិកកាំង​សតវត្សរ៍​ទី​ដប់​ប្រាំ​បួន ។

អ្នក​ប្រវត្តិសាស្ត្រ និង​អ្នក​កត់ត្រា​របស់​សាសនាចក្រ ឈ្មោះ​អែលឌើរ ម៉ាលីន ឃេ ជែនសិន បាន​និយាយ​ថា « យើង​ជឿ​ថា អត្ថបទ​របស់​យ៉ូសែប ស្ម៊ីធ នឹង​ជា​គម្រោង​ប្រវត្តិសាស្ត្រ​សាសនាចក្រ​ដ៏​សំខាន់​បំផុត​ក្នុង​ជំនាន់​នេះ » ។

ការ​ប្រមូល​ផ្ដុំដ៏​សំខាន់​នេះ​ នឹង​ដាក់​បញ្ចូល​សៀវភៅ 20 ក្បាល ដែល​បាន​រៀបចំ​ ទៅ​ជា​ប្រាំ​មួយ​ឈុត​គឺ ៖ កំណត់​ហេតុ, វិវរណៈ និង​ការ​បកប្រែ, ប្រវត្តិសាស្ត្រ, ឯកសារ, កំណត់ត្រា​ការ​គ្រប់គ្រង, និង​កំណត់ត្រា​ច្បាប់ និង​អាជីវកម្ម ។ ឯកសារ​ទាំងអស់​ច្រើន​ជាង 2000 ច្បាប់ នឹង​ត្រូវ​បាន​បោះពុម្ព​ជា​អេឡិចត្រូនិច នៅ​លើ​គេហទំព័រ​របស់​គម្រោង ហើយ​នឹង​ត្រូវ​បោះពុម្ព​លើ​ក្រដាស​ក្នុង​ចំនួន​ដ៏​ច្រើន​មួយ​ផងដែរ ។

គម្រោង​ស្រាវជ្រាវ បាន​ទទួល ការ​ចារ​យល់​ព្រមមួយ ដោយ​គណៈកម្មការ​កំណត់ត្រា និង​ការបោះពុម្ព​ខាង​ប្រវត្តិសាស្ត្រ​ជាតិ​របស់​បណ្ណាសារ​ជាតិ ជា​ការ​ប្រកាស​អនុម័ត​មួយ​ថា បទដ្ឋាន​សិក្សា​ដ៏​​ខ្ពស់​បំផុត ត្រូវ​បាន​ប្រើ​ក្នុង​គ្រប់​ដំណាក់កាល​នៃ​ការងារ ។

គម្រោង​នេះ ត្រូវ​បាន​ធ្វើ​ការ​ដោយ​ពួក​អ្នក​ប្រាជ្ញ បណ្ណាសារក្ស និង​អ្នក​ពិនិត្យ​កែសម្រួល ដែល​បាន​ជួល​ឲ្យ​ធ្វើ​ការ​ដោយ​បណ្ណាល័យ​ប្រវត្តិសាស្ត្រ​សាសនាចក្រ ។  ចាង​ហ្វាង​ការ​បោះពុម្ព​ និង​ការ​បោះពុម្ព​លើ​គេហទំព័រ​នៃ​គម្រោង​នេះ គឺ​ជាអ្នក​សារព័ត៌មាន​របស់​ប្រវត្តិវិទូ​សាសនាចក្រ​ជា​ការ​បោះ​ពុម្ព នៃ​នាយកដ្ឋាន​ប្រវត្តិសាស្ត្រ​សាសនាចក្រ​នៃ​សាសនាចក្រ​នៃ​ព្រះយេស៊ូវគ្រីស្ទ​នៃ​ពួក​បរិសុទ្ធ​ថ្ងៃ​ចុង​ក្រោយ ។

Style Guide Note:When reporting about The Church of Jesus Christ of Latter-day Saints, please use the complete name of the Church in the first reference. For more information on the use of the name of the Church, go to our online Style Guide.