Additional Resource

សុខុមាលភាព និង ភាព​ខ្លួន​ទី​ពឹងខ្លួន

គោលបំណង​របស់​កម្មវិធី​សុខុមាលភាព​របស់​សាសនាចក្រ​នៃ​ព្រះយេស៊ូវគ្រីស្ទ​នៃ​ពួក​បរិសុទ្ធ​ថ្ងៃ​ចុង​ក្រោយ គឺ​ត្រូវ​មើល​ថែ​ជន​ខ្វះខាត ខណៈ​ដែល​ការ​បង្រៀន​អំពី​គោលការណ៍​ទាំងឡាយ ​នឹង​អនុញ្ញាត​ឲ្យ​ជន​ខ្វះខាត​នោះ បាន​ក្លាយ​ជា​មនុស្ស​ខ្លួន​ទីពឹង​ខ្លួន ហើយ​រក្សា​បាន​នូវ​ការ​គោរព​ចំពោះ​ខ្លួន​គេ ។ កម្មវិធី​ក៏​ផ្ដល់​ឱកាស​ជាច្រើន​ដល់​សមាជិក​សាសនាចក្រ​ដទៃ​ទៀត​ទាំង​អស់ ដើម្បី​បម្រើ— បំពេញ​បញ្ញត្តិ ដែល​ព្រះយេស៊ូវគ្រីស្ទ​បាន​ប្រទាន​ឲ្យ ដើម្បី​ផ្ដល់​អាហារ​ដល់​ជន​ស្រេក​ឃ្លាន ផ្ដល់​ទឹក​ដល់​អ្នក​ស្រេក ផ្ដល់​ជម្រក​ដល់​អ្នក​ចម្លែក ស្លៀក​ពាក់​ឲ្យ​អ្នក​អាក្រាត និង​សួរ​សុខ​ទុក្ខ​អ្នក​ឈឺ ។

មិន​យូរ​ប៉ុន្មាន​បន្ទាប់ពី​ការ​រៀប​ចំឡើង​នៃ​សាសនាចក្រ​នៃ​ព្រះយេស៊ូវគ្រីស្ទ​នៃ​ពួក​បរិសុទ្ធ​ថ្ងៃ​ចុង​ក្រោយ​ក្នុង​ឆ្នាំ 1830 អ្នក​ដឹកនាំ​សាសនាចក្រ បាន​ស្ថាបនា​ជា​ឃ្លាំង​របស់​ប៊ីស្សព ជា​កន្លែង​ដែល​ទទួល​ការ​បរិច្ចាគ​គ្រាប់​ធញ្ញជាតិ និង​របស់​ប្រើប្រាស់​ដទៃ​ទៀត​ពី​សមាជិក ជា​ដង្វាយ​ចេញ​ពី​ចិត្ត គឺ​ត្រូវ​បាន​ស្ដុក​ទុក និង​បរិច្ចាគ​ទៅ​ជួយ​ដល់​សមាជិក​ខ្វះខាត ។ នៅ​ក្នុង​ខែ មេសា ឆ្នាំ 1936 សាសនាចក្រ​បាន​រៀបចំ​កម្មវិធី​សុខុមាលភាព​ជា​ផ្លូវការ​មួយ ដើម្បី​ជួយ​ដល់​សមាជិក​សាសនាចក្រ ដែល​រង​ទុក្ខ​ដោយ​ការ​រង​ឥទ្ធិពល​បំផ្លាញ​នៃ​វិបត្តិ​សេដ្ឋកិច្ច​ដ៏​ធំ ។ សព្វថ្ងៃ​នេះ កម្មវិធី​សុខុមាលភាព ត្រូវ​បាន​ពង្រីក​ទៅ​គ្រប់​ទីកន្លែង​នៃ​សាកល​លោក ហើយ​ជួយ​មនុស្ស​គ្រប់​ជំនឿ​ទាំងអស់ ។

  • មូលនិធិ​សម្រាប់​កម្មវិធី​សុខុមាលភាព​នេះ ត្រូវ​បាន​ផ្ដល់​ឲ្យ​តាមរយៈ​ការ​បរិច្ចាគ​មក​ពី​សមាជិក​សាសនាចក្រ ។ នៅ​ថ្ងៃ​អាទិត្យ​មួយ​ក្នុង​ខែ សមាជិក​នៃ​សាសនាចក្រ អត់​ទទួល​ទាន​អាហារ​ពីរ​ពេល ហើយ​ផ្ដល់​ប្រាក់​ដែល​គេ​នឹង​ចំណាយ​សម្រាប់​អាហារ​នៅ​ថ្ងៃ​នោះ​ទៅ​ដល់​សាសនាចក្រ ។
  • មនុស្ស​ខ្វះខាត ត្រូវ​បាន​ប្រាប់​ដល់​អ្នក​ដឹកនាំ ( ប៊ីស្សព ) នៃ​ក្រុម​ជំនំ​ក្នុង​មូលដ្ឋាន ដោយ​មាន​ជំនួយ​ពី​ប្រធាន​សមាគម​សង្គ្រោះ —ជា​ស្ត្រី​ម្នាក់​មក​ពី​ក្រុម​ជំនុំ ដែល​បម្រើ​ជា​អ្នក​ដឹកនាំ​អង្គការ​ស្ត្រី ។ ទំហំ​ក្រុម​ជំនុំ ត្រូវ​បាន​រក្សា​ក្នុង​រង្វង់​មនុស្ស​ពីរ​បី​រយ​នាក់ ដើម្បី​ឲ្យ​អ្នក​ដឹកនាំ​ក្នុង​មូល​ដ្ឋាន អាច​ស្គាល់​មនុស្ស​របស់​ពួកគាត់ ។
  • នៅ​តាម​កន្លែង​មួយ​ចំនួន មាន​ការ​សញ្ជឹងគិត​យ៉ាង​ខ្ពស់​អំពី​សមាជិក​សាសនាចក្រ នោះ​អគារ​សុខុមាលភាព អាច​នឹង​ធំ ។ វិសាលដ្ឋាន​សុខុមាលភាព នៅ​ជិត​នឹង​ទីស្នាក់ការ​កណ្តាល​របស់​សាសនាចក្រ នៅ​ទីក្រុង​សលត៍ លេក រដ្ឋ​យូថាហ៍ គឺ​ជា​ការ​ប្រមូល​ផ្ដុំ​ដ៏​ធំ​បំផុត​នៃ​អគារ​ដូច្នេះ ។ អគារ​នៅក្នុង​វិសាលដ្ឋាន​នេះ រួមមាន​រោងចក្រ​ផលិតផល​កំប៉ុង រោងចក្រ​ទឹក​ដោះ​គោ ឃ្លាំង​របស់​ប៊ីស្សព ហាង​លក់​សម្ភារ​ជជុះ​ដែល​គេ​បរិច្ចាគ មជ្ឈមណ្ឌល​ស្វែង​រក​ការងារ និង​កន្លែង​ស្ដុក​ស្រូវ​សាឡី និង​គ្រាប់​ធញ្ញជាតិ​ដទៃ​ទៀត ។
  • ឃ្លាំង​របស់​ប៊ីស្សព ជាញឹកញាប់​ប្រៀប​ធៀប​ទៅ​នឹង​ផ្សារ​ដែល​គ្មាន​គិត​ប្រាក់ ។ អាហារ និង​សម្ភារ​ផ្ទះ​សម្បែង​ ត្រូវ​បាន​ផ្ដល់​ទៅ​ឲ្យ​អ្នកទាំង​ឡាយ ដែល​ពុំ​អាច​ផ្គត់ផ្គង់​ខ្លួន​គេ ហើយ​ដែល​នាំ​មក​ជាមួយ​នូវ​សំណើរ​សុំ​ជា​លាយលក្ខណ៍​អក្សរ ដែល​មាន​ចុះ​ហត្ថលេខា​ដោយ​ប៊ីស្សព​ក្នុង​មូលដ្ឋាន​របស់​ពួកគេ ។ អ្នក​ទទួល​សម្ភារ ត្រូវ​បាន​ផ្ដល់​ឱកាស​ឲ្យ​ធ្វើ​ការ​សម្រាប់​អ្វី​ដែល​គេ​បាន​ទទួល ដើម្បី​ពង្រីក​សមត្ថភាព​របស់​ពួកគេ ។ មាន​ឃ្លាំង​របស់​ប៊ីស្សព​ចំនួន 129 ដែល​មាន​ទីតាំង​នៅ​ជុំវិញ​ពិភពលោក ។
  • មជ្ឈមណ្ឌល​សេវាកម្ម​ធនធាន​ការងារ ផ្ដល់​ជា​កន្លែង​មួយ​ដែល​មនុស្ស​អាច​ទទួល​បាន​ការ​បំពាក់បំប៉ន​ការងារ រៀន​សរសេរ​ប្រវត្តិរូប​សង្ខេប​របស់​ពួកគេ​ឲ្យ​កាន់​តែ​ល្អ ហើយ​ស្វែងរក​ឱកាស​ការងារ ។ មាន​មជ្ឈមណ្ឌល​ចំនួន 259 កន្លែង​នៅ​លើ​ពិភពលោក ។
  • ឧស្សាហកម្ម​ដេសើរ៉ែត គឺ​ជា​អង្គការ​គ្មាន​ប្រាក់​ចំណេញ​មួយ ដែល​បម្រើ​ជា​អគារ​បំពាក់បំប៉ន​ការងារ និង​ប្រតិបត្តិការ​ហាង​លក់​សម្ភារ​ជជុះ ។ ហាង​លក់​សម្ភារ​ជជុះ បើក​ជា​សាធារណៈ ។
  • សេវាកម្ម LDS Family គឺ​ជា​អង្គការ​ឯកជន គ្មាន​ប្រាក់​ចំណេញ​មួយ​ដែល​ផ្ដល់​នូវ​ការ​ប្រឹក្សា សេវា​សុំ​កូន​ចិញ្ចឹម ជា​ធនធាន និង​ក្រុម​គាំទ្រ​ដល់​ការ​ព្យាបាល​ការ​ញៀន សម្រាប់​បញ្ហា​សង្គម បញ្ហា​សតិអារម្មណ៍ និង​បញ្ហា​ខាង​វិញ្ញាណ ។

Style Guide Note:When reporting about The Church of Jesus Christ of Latter-day Saints, please use the complete name of the Church in the first reference. For more information on the use of the name of the Church, go to our online Style Guide.