Additional Resource

សន្និសីទ​ទូទៅ

សមាជិក​នៃ​សាសនាចក្រ​នៃ​ព្រះយេស៊ូវ​គ្រីស្ទ​នៃ​ពួក​បរិសុទ្ធ​ថ្ងៃ​ចុង​ក្រោយ បាន​ជួប​ជុំគ្នា​ពីរ​ដង​ក្នុង​មួយ​ឆ្នាំ​ទូទាំង​ពិភពលោក សម្រាប់​អ្វី​ដែល​គេ​ហៅ​ថា « សន្និសីទទូទៅ » ។ សន្និសីទ​នេះ ជា​ការ​បន្ថែម​ទៅ​លើ​ កម្មវិធី​ថ្វាយបង្គំ​ប្រចាំ​សប្ដាហ៍ ជា​រៀង​រាល់​ថ្ងៃ​អាទិត្យ​របស់​ពួកគេ ។

សន្និសីទ​ទូទៅ ត្រូវ​បាន​ធ្វើ​ឡើង​រាល់​ខែ​មេសា និង​ខែ​តុលា ហើយ​មាន​ការ​ប្រជុំ​រយៈពេល​ពីរ​ម៉ោង​ចំនួន​ប្រាំ​ដង ដែល​ធ្វើ​ឡើង​រយៈពេល​ពីរ​ថ្ងៃ ។ ការ​ប្រជុំ​ខែ​មេសា ត្រូវ​បាន​ហៅ​ថា សន្និសីទ​ប្រចាំ​ឆ្នាំ ហើយ​ការ​ប្រជុំ​ក្នុង​ខែ​តុលា ហៅ​ថា​សន្និសីទ​ពាក់​កណ្ដាល​ឆ្នាំ ។

សម័យ​ប្រជុំ​ទាំងឡាយ​មាន​នៅ​ព្រឹក​ថ្ងៃ​សៅរ៍ រសៀល​ថ្ងៃ​សៅរ៍ ព្រឹក​ថ្ងៃ​អាទិត្យ និង​រសៀល​ថ្ងៃ​អាទិត្យ គឺ​ត្រូវ​បាន​បើក​សម្រាប់​មនុស្ស​គ្រប់​គ្នា ខណៈ​ដែល​មាន​សម័យ​ប្រជុំ​មួយ ធ្វើ​ឡើង​នៅ​ល្ងាច​ថ្ងៃ​សៅរ៍ គឺ​សម្រាប់​បុរស និង​យុវជន​ពួក​បរិសុទ្ធ​ថ្ងៃ​ចុង​ក្រោយ ដែល​កាន់​បព្វជិតភាព

ពួក​បរិសុទ្ធ​ថ្ងៃ​ចុង​ក្រោយ បាន​ធ្វើ​ដំណើរ​មកពី​ជុំវិញ​ពិភពលោក ដើម្បី​ចូលរួម​សន្និសីទ​ទូទៅ ដែល​ផ្ដើម​នៅ​ក្នុងមជ្ឈមណ្ឌល​សន្និសីទ ដែល​មាន​កៅអី​ចំនួន 21000 កៅអី នៅ​ក្នុង​ទីក្រុង​សលត៍ លេក រដ្ឋ​យូថាហ៍ ។ សំបុត្រ​ឥតគិត​ថ្លៃ ត្រូវ​បាន​ចែកចាយ​សម្រាប់​សម័យ​ប្រជុំ​នីមួយៗ ព្រម​ទាំង​មាន​ការ​ឈរ​តម្រង់​ជួរ​សម្រាប់​អ្នក​ទាំងឡាយ​ដែល​គ្មាន​សំបុត្រ​ផងដែរ ។ មាន​អគារ​ដែល​នៅ​ជិត​វិសាលដ្ឋាន​នៃ​ព្រះវិហារ​បរិសុទ្ធ សម្រាប់​អ្នក​ទាំងឡាយ​ដែល​ពុំ​អាច​ចូល​ទៅក្នុង​មជ្ឈមណ្ឌល​សន្និសីទ​ដោយ​សារ​តែ​ច្រើន​ពេក​នោះ ។

ដោយសារ​តែ​សមាជិក​របស់​សាសនាចក្រ​មាន​ចំនួន​ 14 លាន​នាក់​ ជា​ចំនួន​ដ៏​លើសលប់ នោះ​ពួកគេ​ពុំ​អាច​ចូលរួម​ក្នុង​សន្និសីទ​ទូទៅ​ដោយ​ផ្ទាល់​ទេ ដូច្នេះ​ការ​ប្រជុំ​ត្រូវ​បាន​ចាក់​ផ្សាយ​តាម​ផ្កាយ​រណប​ទៅកាន់​អគារ​ព្រះវិហារ​ជាង 7400 កន្លែង​នៅ​ក្នុង​ប្រទេស​ចំនួន 102 ប្រទេស ។ សមាជិក​ក៏​អាច​មើល​សន្និសីទ​តាម​ទូរទស្សន៍​ផងដែរ តាមរយៈ​ស្ថានីយ៍​ចាក់​ផ្សាយ​នៅ​ទីក្រុង​សលត៍ លេកKSLBYU-TV។ បន្ថែម​ពី​លើ​នោះ សាសនាចក្រ​មាន​ការ​ផ្សាយ​បន្ដ​ផ្ទាល់​នៅ​គេហទំព័រLDS.org និង​នៅ​ប៉ុស្ដិ៍Mormon Channel។ 

អំឡុង​សន្និសីទ ពួក​អ្នក​ដឹកនាំ​សាសនាចក្រ និយាយ​អំពីប្រធាន​បទ​ខាង​វិញ្ញាណ​ផ្សេងៗ​គ្នា ។ ពួកគាត់​ថ្លែង​សុន្ទរកថា​ទៅ​កាន់​ពួក​បរិសុទ្ធ​ថ្ងៃ​ចុង​ក្រោយ ក៏​ដូចជា​អ្នក​តំណាង​រដ្ឋាភិបាល និង​អ្នក​តំណាង​សហគមន៍ ព្រមទាំង​ភ្ញៀវ​សន្និសីទ​ដទៃ​ទៀត​ផងដែរ ។ ​ អ្នក​ឡើង​និយាយ រួមមាន​អ្នក​ដឹកនាំ​សាសនាចក្រ​លើ​ពិភពលោក​គឺ ​ប្រធាន ថូម៉ាស អេស ម៉នសុន និង​ទីប្រឹក្សា​របស់​គាត់ ក្នុង​គណៈប្រធាន​ទីមួយ ដែល​គ្រប់គ្រង​លើតួ​នៃ​សាសនាចក្រ ។ ការ​ថ្លែង​សុន្ទរកថា ក៏​ត្រូវ​បាន​ផ្ដល់​ឲ្យ​ដោយ​សមាជិក​នៃ​កូរ៉ុម​នៃ​ពួក​សាវក​ដប់ពីរ​នាក់​ និង​អ្នក​ដឹកនាំ​ដទៃ​ទៀត​ផងដែរ ។

សុន្ទរកថា​សន្និសីទ​ទូទៅ មាន​រយៈពេល​ផ្សេងៗ​គ្នា​ ចាប់ពី​ប្រហែល​ជា 5 នាទី ទៅ 20 នាទី ។ ប្រធាន​បទ ពុំ​ត្រូវ​បាន​ចាត់​ទេ អ្នក​ឡើង​និយាយ​ម្នាក់ៗ​ជ្រើសរើស​ប្រធាន​បទ​ផ្ទាល់​ខ្លួន​របស់​គាត់ ។ សុន្ទរកថា ជាធម្មតា​និយាយ​អំពី​គោលការណ៍​ដំណឹង​ល្អ​មូលដ្ឋាន ឬ​ថ្លែង​ពី​រឿង​សំខាន់ៗ​ក្នុង​ជំនាន់​នេះ អ្នក​ឡើង​និយាយ​ក៏​លើក​ទឹកចិត្ដ​ដល់​បុគ្គល​ម្នាក់ៗ និង​ក្រុម​គ្រួសារ​ក្នុង​កិច្ចខិតខំ​របស់​ពួកគេ ឲ្យ​ធ្វើតាម​ព្រះយេស៊ូវ​គ្រីស្ទផងដែរ ។

បន្ទាប់ពី​សន្និសីទ​ចប់ សុន្ទរកថា​ទាំងឡាយ ត្រូវ​បាន​ផ្សាយ​នៅ​លើ​គេហទំព័រLDS.org ហើយ​បោះពុម្ព​ឡើងវិញ​នៅ​ក្នុង​ទស្សនាវដ្ដី​.Ensignនិង​ លីអាហូណា​ របស់​សាសនាចក្រ ដូច្នេះ​សមាជិក​អាច​អាន និង​សិក្សា​វា ។

តន្ត្រី​សម្រាប់​សម័យ​ប្រជុំ​សន្និសីទ ត្រូវ​បាន​ផ្ដល់​ឲ្យ​ដោយ ក្រុម​ចម្រៀង​រោង​ឧបោសថ​មរមន ហើយ​នឹង​អ្នក​លេង​ព្យាណូ​ខ្យល់ ក្រុម​ចម្រៀង​ និង​ក្រុម​ជំនុំ​សាសនាចក្រ​ដទៃ​ទៀត ។ តន្ត្រី គូស​បញ្ជាក់​អំពី​បាវចនា​ដំណឹង​ល្អ ។

ពួក​អ្នក​ដឹកនាំ​សាសនាចក្រ បាន​ដឹកនាំ​សន្និសីទ​ទូទៅ ចាប់​តាំង​ពី​ឆ្នាំ 1830 ជាពេល​ដែល​សាសនាចក្រ ត្រូវ​បាន​រៀបចំ​ឡើង ដោយ​យ៉ូសែប ស្ម៊ីធ ។ យោង​តាម​ប្រវត្តិវិទូ ហ្គ្លីន អិម លីអូណាត ថា « មាន​សមាជិក​ដែល​បាន​ទទួល​បុណ្យ​ជ្រមុជ​ទឹក​រួច ប្រហែល​ជា 30 នាក់​បាន​ចូលរួម​ក្នុង​សន្និសីទ​ដំបូង​គេ ព្រម​ជា​មួយ​នឹង​អ្នក​ដទៃ​ទៀត ដែល​ចាប់​អារម្មណ៍​លើ​សាសនាចក្រ » ។​

សព្វ​ថ្ងៃ សន្និសីទ ត្រូវ​បាន​បក​ប្រែ​ផ្ទាល់​មាត់​ក្នុង​ពេល​ដំណាល​គ្នា ទៅ​ជា​ភាសា​ចំនួន 92 ភាសា មាន​លំដាប់​ចាប់ពី ភាសា​អាល់បានី ទៅដល់​ ភាសា​យ៉ាប៉េស ដើម្បី​បម្រើ​ដល់​សមាជិក​អន្ដរជាតិ​ដែល​កំពុង​តែ​រីក​ចម្រើន និង​មាន​ចំនួន​ដ៏​ធំ​មួយ​នោះ ។ ការ​បកប្រែ​ជា​ភាសា​គរ​អាមេរិក និង​ការ​ដាក់​អក្សរ​រត់​លើ​អេក្រង់ ក៏​មាន​ផងដែរ ។

Style Guide Note:When reporting about The Church of Jesus Christ of Latter-day Saints, please use the complete name of the Church in the first reference. For more information on the use of the name of the Church, go to our online Style Guide.