Additional Resource

ផែនការ​នៃ​សេចក្តី​សង្រ្គោះ

  • សម្រាប់​ពួក​បរិសុទ្ធ​ថ្ងៃ​ចុង​ក្រោយ ជីវិត​រមែង​ស្លាប់ ត្រូវ​បាន​មើល​ឃើញ​ក្នុង​បរិបទ​នៃ​ប្រវត្តិសាស្ត្រ​មួយ​ដ៏​ធំ ចាប់​តាំង​ពី​ជីវិត​មុន​ជីវិត​លើផែនដី ជា​កន្លែង​ដែល​វិញ្ញាណ​នៃ​មនុស្ស​លោក​ទាំង​អស់​គ្នា បាន​រស់នៅ​ជាមួយ​ព្រះវរបិតា​សួគ៌ ទៅកាន់​ជីវិត​អនាគត​មួយ នៅ​ក្នុង​វត្តមាន​របស់​ទ្រង់ ជា​កន្លែង​ដែល​មាន​ការ​រីក​ចម្រើន រៀន​សូត្រ និងការ​កែលម្អរ​ជា​បន្ដ​បន្ទាប់ ។
  • ជីវិត​នៅ​លើ​ផែនដី គឺ​ចាត់​ទុក​ថា​ជា​ស្ថានភាព​បណ្ដោះ​អាសន្ន ដែល​បុរស និង​ស្ត្រី ត្រូវ​បាន​សាកល្បង ហើយ​ព្យាយាម — និង​ជា​កន្លែង​ដែល​ពួកគេ​ទទួល​បទពិសោធន៍ ដែល​ពុំ​អាច​ទទួល​បាន​នៅ​កន្លែង​ផ្សេង​ឡើយ ។
  • ពួក​បរិសុទ្ធ​ថ្ងៃ​ចុង​ក្រោយ​ជឿ​ថា ព្រះ​វរបិតាសួគ៌ ដឹង​ថា មនុស្ស​លោក នឹង​ធ្វើ​កំហុស​ឆ្គង​ជាច្រើន ដូច្នេះ ទ្រង់​បាន​ប្រទាន​ព្រះអង្គ​សង្គ្រោះ​មួយ​អង្គ គឺ​ព្រះយេស៊ូវគ្រីស្ទ ដែល​នឹង​លើក​ដាក់​មក​លើ​ព្រះអង្គ​ទ្រង់​នូវ​អំពើ​បាប​នៃ​ពិភពលោក ។ ខណៈដែល​អំណោយ​ទាន​នៃ​ដង្វាយធួន​មួយ​ចំនួន គឺ​ពុំ​មាន​លក្ខខណ្ឌ ( រូបកាយ​រស់​ឡើង​វិញ អមតភាព ) នោះ​បុរស និង​ស្ត្រី ត្រូវ​បាន​រំពឹង​ឲ្យ​ប្រែចិត្ត​ពី​អំពើ​បាប​របស់​ពួកគេ ហើយ​ព្យាយាម​រស់នៅ​ឲ្យ​កាន់​តែ​ត្រូវ​នឹង​ការ​បង្រៀន​របស់​ព្រះគ្រីស្ទ ដើម្បី​បន្ដ​រីក​ចម្រើន ហើយ​ទទួល​បាន​សក្ដានុពល​របស់​ពួកគេ​នៅ​ជីវិត​បន្ទាប់ ។
  • ចំពោះ​សមាជិក​នៃ​សាសនាចក្រ សេចក្ដី​ស្លាប់​ខាង​រូបកាយ​នៅ​លើ​ផែនដី គឺ​ពុំ​មែន​ជា​ការ​បញ្ចប់​ទេ ប៉ុន្តែ​ជា​ការ​ចាប់​ផ្ដើម​ជំហាន​បន្ទាប់​ទៀត​នៅ​ក្នុង​ផែនការ​របស់ព្រះ សម្រាប់​កូនចៅ​របស់​ទ្រង់ ។ ហើយ​សេចក្ដី​ស្លាប់​ក៏​ពុំ​មែន​ជា​ការ​បញ្ចប់​ទំនាក់ទំនង​ជាមួយ​នឹង​មនុស្ស​ជា​ទីស្រឡាញ់​របស់​យើង​ដែរ ។ ក្រុម​គ្រួសារ​អាច​នៅ​ជាមួយ​គ្នា​ជា​និរន្ដរ៍ —ពុំ​គ្រាន់​តែ​សម្រាប់​ជីវិត​នេះ​ទេ ។ សមាជិក​គ្រួសារ ដែល​ទទួល​ដង្វាយ​ធួន​នៃ​ព្រះយេស៊ូវគ្រីស្ទ ហើយ​ធ្វើ​តាម​គំរូ​របស់​ទ្រង់ អាច​នៅ​ជាមួយ​គ្នា​ជា​និរន្ដរ៍ តាមរយៈ​ពិធី​បរិសុទ្ធ​នៃ​ការ​ផ្សារ​ភ្ជាប់​ដ៏​ពិសិដ្ឋ ដែល​បាន​ធ្វើ​ឡើង​នៅក្នុង​ព្រះវិហារ​បរិសុទ្ធ​ដ៏​ពិសិដ្ឋ​របស់​ព្រះ ។
  • គោលលទ្ធិ​ពួក​បរិសុទ្ធ​ថ្ងៃ​ចុង​ក្រោយ បង្រៀន​ថា បន្ទាប់​ពី​ការរស់​ឡើង​វិញ មនុស្ស​ទាំងអស់​នឹង​ត្រូវ​ជំនុំជំរះ ហើយ​បាន​ទទួល​រង្វាន់​សម្រាប់​អ្វីៗ​ដែល​បានធ្វើ​នៅក្នុង​ជីវិត​នេះ ។ អ្នក​ទាំងឡាយ​ណា​ដែល​សក្ដិសម​ដើម្បី​ត្រឡប់​ទៅ​រស់នៅ​ក្នុង​វត្តមាន​របស់​ព្រះ និង​ព្រះគ្រីស្ទ ក្លាយ​ជា « អ្នក​គ្រង​មរតក​នៃ​ព្រះ​ជាមួយនឹង​ព្រះគ្រីស្ទ » ( រ៉ូម 8:17) នូវ​អ្វីៗ​ទាំងអស់​ដែល​ព្រះវរបិតា​មាន ។ ពួកគេ​នឹង​ត្រឡប់​ទៅ​រស់នៅ​ជាមួយ​ព្រះវរបិតា​សួគ៌ និង​ជាមួយ​ក្រុម​គ្រួសារ​ពួកគេ​វិញ ។
  • អ្នក​ទាំងឡាយ​ដែល​ជ្រើសរើស​មិន​ធ្វើ​តាម​ព្រះវរបិតាសួគ៌ និង​ព្រះយេស៊ូវគ្រីស្ទ នឹង​ទទួល​បាន​រង្វាន់ ស្របតាម​អ្វី​ដែល​ពួកគេ​បាន​ធ្វើ​ក្នុង​ជីវិត​នេះ ប៉ុន្តែ​ពួកគេ​នឹង​គ្មាន​ទទួល​បាន​អំណរ​នៃ​សិរីល្អ​ក្នុង​ការ​រស់នៅ​ក្នុង​វត្តមាន​របស់​ព្រះ​ទេ ។

Style Guide Note:When reporting about The Church of Jesus Christ of Latter-day Saints, please use the complete name of the Church in the first reference. For more information on the use of the name of the Church, go to our online Style Guide.