Leader Biography

ប្រធាន ថូម៉ាស អេស ម៉នសុន

ប្រធាន ថូម៉ាស អេស ម៉នសុន បាន​បម្រើ​ជា​ប្រធាន​ទី 16 នៃ​សាសនាចក្រ​នៃ​ព្រះយេស៊ូវគ្រីស្ទ​នៃ​ពួក​បរិសុទ្ធ​ថ្ងៃ​ចុងក្រោយ ចាប់តាំង​ពី​ថ្ងៃ​ទី 3 ខែ កុម្ភៈ ឆ្នាំ 2008 ។ លោក​បាន​បម្រើ​ជា​ទីប្រឹក្សា​ទី​មួយ​នៅ​ក្នុង​គណៈ​ប្រធាន​ទី​មួយ​នៃ​សាសនាចក្រ​ចាប់តាំង​ពី​ថ្ងៃ​ទី 10 ខែ វិច្ឆិកា ឆ្នាំ 1985 ។ នៅ​ថ្ងៃ​ទី 12 ខែ មិនា ឆ្នាំ 1995 លោក​ត្រូវបាន​ញែក​ចេញ​ជា​ទីប្រឹក្សា​ទី​មួយ​របស់​ប្រធាន ហ្គរដុន ប៊ី ហ៊ិងគ្លី ។ ពីមុន​នោះ នៅ​ថ្ងៃ​ទី 5 ខែ មិថុនា ឆ្នាំ 1994 លោក​ត្រូវបាន​ហៅ​ជា​ទីប្រឹក្សា​ទី​ពីរ​របស់​ប្រធាន ហាវើដ ដបុលយូ ហឹនធើរ និង​ជា​ទីប្រឹក្សា​ទី​ពីរ​របស់​ប្រធាន អ៊ែសរ៉ា ថាហ្វ ប៊ែនសឹន នៅ​ថ្ងៃ​ទី 10 ខែ វិច្ឆិកា ឆ្នាំ 1985 ។ លោក​ត្រូវបាន​គាំទ្រ​ឲ្យ​បម្រើ​ក្នុង​កូរ៉ុម​នៃ​ពួក​សាវក​ដប់ពីរ​នាក់​នៅ​ថ្ងៃ​ទី 4 ខែ តុលា ឆ្នាំ 1963 ហើយ​ត្រូវបាន​តែងតាំង​ជា​សាវក​នៅ​ថ្ងៃ​ទី 10 ខែ តុលា ឆ្នាំ 1963 ក្នុង​វ័យ 36 ឆ្នាំ ។

ប្រធាន ម៉នសុន បាន​បម្រើ​ជា​ប្រធាន​បេសកកម្ម​របស់​សាសនាចក្រ​នៅ​កាណាដា ដែល​មាន​ទីស្នាក់ការ​កណ្ដាល​នៅ តូរ៉ុនតូ អនទែរីយ៉ូ ពី​ឆ្នាំ 1959 ដល់ ឆ្នាំ 1962 ។ ​ពី​មុន​គ្រា​នោះ លោក​បាន​បម្រើ​នៅ​ក្នុង​គណៈ​ប្រធាន​ស្តេក ធែមផល វ្យូ នៅ​ទីក្រុង សលត៍ លេក រដ្ឋ យូថាហ៍ និង ជា​ប៊ីស្សព​មួយ​រូប​នៃ​វួដ​ទីប្រាំមួយ-ប្រាំពីរ ក្នុង​ស្តេក​នោះ​ដែរ ។

លោក​បាន​កើត​នៅ​ទីក្រុង សលត៍ លេក នៅ​ថ្ងៃ​ទី 21 ខែ សីហា ឆ្នាំ 1927 ប្រធាន ម៉នសុន ជា​កូន​ប្រុស​របស់ ជី ស្ពែនស៊ើរ និង ក្លាឌីស ខនឌី ម៉នសុន ។ លោក​បាន​សិក្សា​នៅ​សាលា​រដ្ឋ​ទីក្រុង សលត៍ លេក ហើយ​បាន​បញ្ចប់​ការសិក្សា​ដោយ​ជោគជ័យ​ពី​សាកល​វិទ្យាល័យ យូថាហ៍ ក្នុង​ឆ្នាំ 1948 ដោយ​បាន​ទទួល​សញ្ញាបត្រ​ថ្នាក់​បរិញ្ញាបត្រ​ផ្នែក​គ្រប់គ្រង​ពាណិជ្ជកម្ម ។ លោក​បាន​ទទួល​ការងារ ហើយ​បាន​បម្រើការ​ជា​សមាជិក​​នៃមហាវិទ្យាល័យ​ពាណិជ្ជកម្ម​នៅ​សាកល​វិទ្យាល័យ យូថាហ៍ ។ ក្រោយមក លោក​បានទទួល​សញ្ញាបត្រ​ថ្នាក់​អនុ​បណ្ឌិត​ពី​សាកល​វិទ្យាល័យ ព្រិកហាំ យ៉ង់ ។ នៅខែ មេសា ឆ្នាំ 1981 សាកលវិទ្យាល័យ ព្រិកហាំ យ៉ង់ បាន​ប្រគល់​សញ្ញាបត្រ​កិត្តិយស​ថ្នាក់​បណ្ឌិត​ផ្នែក​ច្បាប់ជូន​ប្រធាន​ម៉នសុន ។ លោក​ត្រូវបាន​ប្រគល់​ឲ្យ​សញ្ញាប័ត្រកិត្តិយស​ថ្នាក់​បណ្ឌិត​ផ្នែក​អក្សរសាស្ត្រ និង​មនុស្ស​សាស្ត្រ ដោយ​មហាវិទ្យាល័យ​សហគមន៍​ទីក្រុង សលត៍ លេក នៅ​ខែ មិថុនា ឆ្នាំ 1996 ។ លោក​បាន​ទទួល​សញ្ញាប័ត្រកិត្តិយស​ថ្នាក់​បណ្ឌិត​ផ្នែក​ពាណិជ្ជកម្ម​ពី​សាកលវិទ្យាល័យ យូថាហ៍ នៅ​ខែ ឧសភា ឆ្នាំ 2007 ។ នៅខែ ឧសភា ឆ្នាំ 2009 លោក​បាន​ទទួល​សញ្ញាបត្រ​កិត្តិយសថ្នាក់បណ្ឌិត​ផ្នែក​ទំនាក់ទំនង ពី​សាកលវិទ្យាល័យ យូថាហ៍ វាលី និង សញ្ញាបត្រ​កិត្តិយស​ថ្នាក់​បណ្ឌិត​ផ្នែក​សេវាកម្ម​សាធារណៈ ពី​សាកលវិទ្យាល័យ យូថាហ៍ភាគ​ខាង​ត្បូង ។ នៅខែ មេសា ឆ្នាំ 2010 លោក​បាន​ទទួលសញ្ញាបត្រ​កិត្តិយស​ថ្នាក់​បណ្ឌិត​​ផ្នែក​មនុស្ស​សាស្ត្រ ពី​សាកលវិទ្យាល័យ វែប៊ើរ ស្តេត ។ នៅ​ខែ ឧសភា ឆ្នាំ 2011 លោក​បាន​ទទួលសញ្ញាបត្រ​កិត្តិយស​ថ្នាក់បណ្ឌិត​ផ្នែក​មនុស្សសាស្ត្រ ពី​មហាវិទ្យាល័យ ឌិស៊ី ស្តេត រដ្ឋ យូថាហ៍ ។ លោក​ជា​សមាជិក​ក្នុងសមាគម អាលហ្វា ខាផា សាយ ​ជា​សមាគម​ផ្នែក​ពាណិជ្ជកម្ម​ល្បីល្បាញ​មួយ ។

ប្រធាន ម៉នសុន បាន​បម្រើ​កងទ័ព​ជើងទឹក​សហរដ្ឋ​អាមេរិក ​នៅពេល​ដែល​​សង្គ្រាម​លោក​លើក​ទី 2 ជិតនឹង​បញ្ចប់ ។ លោក​បាន​រៀបការ​នឹង ហ្វ្រានសេស ប៊ែវើរលី ចនសុន នៅ​ថ្ងៃ​ទី 7 ខែ តុលា ឆ្នាំ 1948 ក្នុង​ព្រះវិហារ​បរិសុទ្ធ​សលត៍ លេក ។ លោក​ទាំង​ពីរ​មាន​កូន​បី​នាក់ ចៅ​ប្រាំបី​នាក់ និង ចៅទួត​ប្រាំពីរ​នាក់ ។

ប្រធាន ម៉នសុន បាន​ធ្វើការ​ក្នុង​អាជីពដ៏​ថ្លៃថ្នូរ​មួយខាង​ផ្នែក​បោះពុម្ព​​យ៉ាង​ស្ទាត់ជំនាញ ។ លោក​បាន​ធ្វើការ​ឲ្យ Deseret Newsក្នុង​ឆ្នាំ 1948 ជាទីកន្លែង​ដែល​លោក​បាន​បម្រើ​ជា​អ្នក​គ្រប់គង​​ផ្នែកផ្សព្វផ្សាយ​​សម្រាប់សារព័ត៌មាន​នោះ និង​សម្រាប់​ភ្នាក់ងារ​សាជីវកម្ម​សារព័ត៌មាន ។ ក្រោយ​មក លោក​បាន​ទទួល​តំណែង​ជា​អ្នក​គ្រប់គ្រងផ្នែក​លក់​នៃ​សារព័ត៌មាន Deseret News ដែល​ជា​គ្រឹះស្ថាន​បោះពុម្ព​ផ្សាយ​ពាណិជ្ជកម្ម​ធំ​ជាង​គេ​នៅលោក​ខាង​លិច ហើយ​ក្រោយ​មក​បាន​ឡើង​តំណែង​ជានាយកទូទៅ ជា​តំណែងដែល​លោក​បាន​ទទួល​ពេល​លោក​ត្រូវបាន​ចាត់តាំង​នៅ​ក្នុង​កូរ៉ុម​នៃ​ពួក​ដប់ពីរ​នាក់​ក្នុង​ឆ្នាំ 1963 ។ លោក​បាន​បម្រើការ​ជា​ប្រធាន​ក្រុម​ប្រឹក្សានៃ​ក្រុម​ហ៊ុន​​បោះពុម្ព​ផ្សាយសារព័ត៌មាន Deseret News អស់​រយៈ​ពេល​ជា​ច្រើន​ឆ្នាំ ។ ប្រធាន ម៉នសុន ជា​អតីត​ប្រធាន​ឧស្សាហកម្ម​បោះពុម្ពនៃរដ្ឋ យូថាហ៍ និង ជា​អតីត​សមាជិក​ក្រុម​ប្រឹក្សា​នាយក​នៃ​ឧស្សាហកម្ម​បោះពុម្ព​សហរដ្ឋ​អាមេរិក ។

ជាមួយ​នឹង​បទពិសោធន៍​ផ្នែក​ពានិជ្ជកម្ម​ដ៏​ទូលំទូលាយ​​របស់​លោក ប្រធាន ម៉នសុន បាម​បម្រើការ​អស់​រយៈ​ពេល​ច្រើន​ឆ្នាំ ជា​សមាជិក​ក្រុមប្រឹក្សា​ផ្នែកពាណិជ្ជកម្ម និង ឧស្សាហកម្ម​ដ៏​ល្បីល្បាញ​មួយ​ចំនួន ។ បច្ចុប្បន្ន​លោក​បម្រើ​ជា​ប្រធានក្រុម​ប្រឹក្សា​ភិបាលផ្នែក​​អប់រំ និង ​ក្រុម​ប្រឹក្សានាយករបស់​​សាសនាចក្រ អិល.ឌី.អេស ។

ចាប់តាំង​ពី​ឆ្នាំ 1969 មក ប្រធាន ម៉នសុន បាន​បម្រើ​ជា​សមាជិក​នៃ​​ក្រុមប្រឹក្សា​ប្រតិបត្តិ​ជាតិផ្នែកក្រុម​​កាយឫទ្ធិ​អាមេរិក ។

ប្រធាន ម៉នសុន បាន​ទទួល​សមាជិកភាព​នៅ​ក្នុង​សមាគម​អ្នក​គ្រប់គ្រង​ផ្នែក​លក់រដ្ឋ យូថាហ៍ ​ក្រុម​ផ្សាយ​ពាណិជ្ជកម្មសលត៍ លេក និង ក្រុមប្ដូរ​​រូបិយប័ណ្ណ សលត៍ លេក ។

អស់​រយៈ​ពេល​ជា​ច្រើន​ឆ្នាំ ប្រធាន ម៉នសុន បាន​បម្រើ​ជា​សមាជិក​​ក្រុម​ប្រឹក្សាបម្រុងរ រដ្ឋ យូថាហ៍ ជាក្រុមប្រឹក្សា​មួយ​ដែល​គ្រប់គ្រង​លើ​ផ្នែកអប់រំជាន់​ខ្ពស់​ក្នុង​រដ្ឋ យូថាហ៍ ។ លោក​ក៏​បាន​បម្រើការ​ផងដែរជា​មន្ត្រី​មួយ​រូប​នៅក្នុង​​សមាគម​អតីត​និស្សិត​ប្រុស​ប្រចាំ​សាកល​វិទ្យាល័យ យូថាហ៍ ។

នៅ​ខែ ធ្នូ ឆ្នាំ 1981 ប្រធាន ម៉នសុន ត្រូវបាន​ចាត់តាំង​ដោយ​ប្រធាន រ៉ូណល រីហ្គែន ដើម្បី​បម្រើ​ជា​ប្រធានផ្នែក​ផ្ដួចផ្ដើម​សម្រាប់វិស័យឯកជន ។ លោក​បាន​បម្រើនៅ​ក្នុង​កិច្ចការ​នេះ​រហូត​ដល់​ឆ្នាំ 1982 ជា​ពេល​ដែល​កិច្ចការ​នេះ​​ត្រូវបាន​បញ្ចប់ ។

ប្រធាន ម៉នសុន ត្រូវបាន​បំពាក់​ជ័យលាភី​នៃ​អតីត​និស្សិត​ប្រុស​ដែល​មាន​ឈ្មោះ​ល្បី​ប្រចាំ​សាកលវិទ្យាល័យ យូថាហ៍ ក្នុង​ឆ្នាំ 1966 ។ លោក​ក៏​ជា​អ្នក​ទទួល​បាន​មេដាយ​ប្រាក់​កង​កាយឫទ្ធិ​អាមេរិក ( ឆ្នាំ 1971 ) មេដាយ​ក្របី​ប្រាក់​ដ៏​មាន​កិត្យានុភាព ( ឆ្នាំ 1978 ) និង មេដាយ​កង​កាយឫទ្ធិ​អន្តរជាតិ​ថ្នាក់​ខ្ពស់​បំផុត មេដាយ​ចចក​ស្ពាន់ និង មេដាយ​កញ្ជ្រោង​ប្រាក់ ពី​ក្រុម​កាយឫទ្ធិ​ប្រទេសកាណាដា ( ឆ្នាំ 2011 ) ផងដែរ ។ នៅ​ឆ្នាំ 1997 លោក​បាន​ទទួល​ជ័យលាភី​មីនីតមែន ពី​ឆ្មាំ​អន្តរជាតិ​ប្រចាំ​រដ្ឋ យូថា ក៏​មាន​ជ័យលាភី​គំរូ​នៃ​ភាព​ជា​បុរស ពី​សាកល​វិទ្យាល័យ ព្រិកហាំ យ៉ង់ ផងដែរ ។ ក្នុង​ឆ្នាំ 1998 លោក និង ស៊ីស្ទើរ ម៉នសុន ​បាន​ទទួល​ជ័យលាភី​សម្ព័ន្ធ​ផ្នែក​សប្បុរសធម៌ ពីស្ថាប័ន​ពួក​បងប្អូនស្រី​នៃសប្បុរសធម៌ របស់​សេន​ យ៉ូសែប ​វីឡា ។ ក្នុង​ឆ្នាំ 2000 លោក​បាន​ទទួល​ពាន​រង្វាន់​យ៉ូសែប និង ហៃរុម ស៊្មីធ ជា « អ្នក​ទំនាក់ទំនង​ប្រចាំ​ឆ្នាំ » ពី​សមាគម​ទំនាក់ទំនង​សាធារណៈ អិល.ឌី.អេស ។  ក្នុង​ឆ្នាំ 2005 លោក​បាន​ទទួល​ពាន​រង្វាន់​មរតក​ជីវិត ដោយ​គ្រឹះស្ថាន​ស្រាវជ្រាវ​ផ្នែក​បេះដូង និង សួត ដែល​ជា​ស្ថាប័ន​មួយ​នៃ​គ្រឹះស្ថាន​ដេសើរ៉ែត ។  ក្នុង​ឆ្នាំ 2007 លោក​បាន​ទទួល​ពានរង្វាន់​សប្បុរសធម៌​ទូទាំង​ពិភពលោក​របស់​រ៉ូថារី ។ លោក​បាន​ទទួល​ពានរង្វាន់​ពីស្ថាប័ន​​ទាំង​បួន​នៃ​សមាគមផ្នែក​គ្រប់គ្រង ប៊ី.វ៉ាយ.យូ ។

Style Guide Note:When reporting about The Church of Jesus Christ of Latter-day Saints, please use the complete name of the Church in the first reference. For more information on the use of the name of the Church, go to our online Style Guide.