អែលឌើរ រ័សុល អិម ណិលសុន ត្រូវបានហៅជាសមាជិកក្នុងកូរ៉ុមនៃពួកសាវកដប់ពីរនាក់ នៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ នៅថ្ងៃទី 7 ខែ មេសា ឆ្នាំ 1984 ។
វេជ្ជ. ណិលសុន ដែលបានទទួលសញ្ញាបត្រថ្នាក់បរិញ្ញាបត្រ និង ថ្នាក់អនុបណ្ឌិតពីសាកលវិទ្យាល័យ យូថាហ៍ ជាអ្នកស្រាវជ្រាវផ្នែកវះកាត់ និង វេជ្ជសាស្ត្រអន្តរជាតិដ៏មានកិត្តិនាមមួយរូប ( ឆ្នាំ 1945 ទំព័រ 47 ) ។ មេដាយកិត្តិយសផ្នែកការអប់រំ រួមមាន ពានរង្វាន់ ភី ប៊ែតា ខាផា និង អាលហ្វា អូមេហ្កា អាលហ្វា ។ លោកបានបម្រើការផ្នែកវះកាត់នៅមន្ទីរពេទ្យជំងឺទូទៅ ម៉ាស្សាឈូសេត នៅទីក្រុង បូស្តុន និង នៅសាកលវិទ្យាល័យ មីនីសូតា ដែលនៅទីនោះលោកបានបញ្ចប់ផ្នែកបណ្ឌិតរបស់លោកក្នុងឆ្នាំ 1954 ។ លោកក៏ទទួលបានមេដាយកិត្តិយសខាងបណ្ឌិតផ្នែកវិទ្យាសាស្ត្រពីសាកលវិទ្យាល័យ ព្រិកហាំ យ៉ង់ ក្នុងឆ្នាំ 1970 បណ្ឌិតផ្នែកឱសថសាស្ត្រពីសាកលវិទ្យាល័យ យូថាហ៍ ក្នុងឆ្នាំ 1989 និង បណ្ឌិតផ្នែកអក្សរសាស្ត្រ និង មនុស្សសាស្ត្រពីសាកលវិទ្យាល័យ ស្នូ ក្នុងឆ្នាំ 1994 ។
កាងារជំនាញរបស់លោករួមមានមុខតំណែងជាសាស្ត្រាចារ្យស្រាវជ្រាវផ្នែកវះកាត់ និង ជានាយកផ្នែកវះកាត់ផ្នែកទ្រូងនៅសាកលវិទ្យាល័យ យូថា និង ជាប្រធាននៃក្រុមវះកាត់ផ្នែកទ្រូងនៅមន្ទីរពេទ្យ អិល.ឌី.អេស នៅទីក្រុង សលត៍ លេក ។
ក្នុងនាមជាអ្នកនិពន្ធការបោះពុម្ពផ្សាយ និង ជំពូកនានាក្នុងសៀវភៅឱសថសាស្ត្រជាច្រើន នោះអែលឌើរ ណិលសុន បានបង្រៀន ហើយទៅទស្សនកិច្ចស្របតាមវិជ្ជាជីវៈនៅពេញសហរដ្ឋ និង នៅប្រទេសដទៃទៀតជាច្រើន ពីមុនដែលលោកត្រូវបានហៅឲ្យបម្រើជា អ្នកមានសិទ្ធិអំណាចទូទៅ ។ លោកត្រូវបានផ្ដល់ពានរង្វាន់ និង កិត្តិយសជាច្រើនលើកច្រើនសារ មានរួមទាំងជ័យលាភីអតីតនិស្សិតដ៏មានកិត្តិសព្ទ ពីសាកលវិទ្យាល័យ យូថា៍ ជ័យលាភីបេះដូងមាស ពីសមាគមបេះដូងអាមេរិក ប័ណ្ណសរសើរសម្រាប់សេវាកម្មអន្តរជាតិ ពីសមាគមបេះដូងអាមេរិក និង ជ័យលាភីផ្ទាំងមាស ដែលបានប្រគល់ដោយ ស្នាដៃឧត្តមសិក្សាអាមេរិក ។ លោកបានទទួលពានរង្វាន់កិត្តិយសសាស្ត្រាចារ្យ ពីសាកលវិទ្យាល័យចំនួនបីនៅសាធារណៈរដ្ឋប្រជាមានិត ចិន ។
វេជ្ជ. ណិលសុន បានបម្រើការជាប្រធានសមាគមវះកាត់សសៃឈាម នាយកក្រុមប្រឹក្សាផ្នែកវះកាត់ទ្រូងរបស់អាមេរិក ប្រធានក្រុមប្រឹក្សាផ្នែកវះកាត់បេះដូងសម្រាប់សមាគមបេះដូងអាមេរិក និងជាប្រធាននៃសមាគមឱសថ រដ្ឋ យូថាហ៍ ។
លោកបានជាប់ឈ្មោះនៅក្នុងចំណោមអ្នកល្បីឈ្មោះក្នុងពិភពលោក ក្នុងប្រទេសអាមេរិក និងក្នុងសាសនា ។
អែលឌើរ ណិលសុន បានទទួលមុខតំណែងជាច្រើននៅក្នុងសាសនាចក្រ ។ លោកបានបម្រើជាប្រធានស្តេក ប៊ុន្នីវីល ពីឆ្នាំ 1964 ដល់ ខែ មិថុនា ឆ្នាំ 1971 ពេលលោកត្រូវបានហៅជាប្រធានថ្នាក់សាលាថ្ងៃអាទិត្យទូទៅ ។ ពីមុនការហៅរបស់លោកនៅក្នុងកូរ៉ុមនៃពួកដប់ពីរនាក់ លោកបានបម្រើជាអ្នកតំណាងភូមិភាគ ដែលត្រូវបានចាត់តាំងឲ្យទៅភូមិភាគ ឃើនស៍ រដ្ឋ យូថា ។ ពីមុននោះទៅទៀត លោកបានបម្រើជាអ្នកតំណាងភូមិភាគសម្រាប់ សាកលវិទ្យាល័យ ព្រិកហាំ យ៉ង់ ។
លោកបានកើតនៅថ្ងៃទី 9 ខែ កញ្ញា ឆ្នាំ 1924 អែលឌើរ ណិលសុន ជាកូនប្រុសរបស់ ម៉ារ៉ុន ស៊ី និង អែឌណា អាន់ឌើរសុន ណិលសុន ។ លោក និង ភរិយាដំបូងរបស់លោក ដានហ្សល វ៉ាយ មានកូនដប់នាក់ ។ ស៊ីស្ទើរ ណិលសុន បានទទួលមរណភាពនៅខែ កុម្ភៈ ឆ្នាំ 2005 ។ ក្នុងខែ មេសា ឆ្នាំ 2006 លោកបានរៀបការនឹង វែនឌី វ៉តសុន ។